Aura of Kazakhstan тұңғыш қазақстандық парфюмерлік бренді туған жерге, оның табиғаты мен тарихына деген сүйіспеншіліктен туған. Тау мен даланың, ірі мегаполистер мен тарихи нысандардың иістері – Қазақстанның ғасырлар бойы ұрпақтан ұрпаққа берілетін қолданбалы өнер бұйымдары, әуендері, күйлері немесе дәстүрлері сияқты мәдени мұрасы.

Біздің парфюмерлік композицияларымыз - Ұлы Даланың тектілік коды, оның тарихы, болашаққа артқан үкілі үміті.

Логотип бейнелемесі қазақ даласы көшпенділерінің тарихи және мәдени мұрасының маңызды құрамдас бөліктерінен көрініс береді. Дөңгелек – алға беталыстың нышаны және көшпелі өмір салтының бейнесі. Бәйтерек пен Самұрық құсының жұмыртқасы – ұрпақтан ұрпаққа таралатын ежелгі аңыздарға көрсетілген құрмет. Тамғалы Тас петроглифтерінің элементтері -Ұлы Дала өркениеттерінің тарихи және мәдени мұрасының әлем тарихындағы маңызын көрсетуші жәдігерлер.

Қазақстан ата-баба тарихы мен дәстүрлерін мәңгі ұмытпайды және ардақ тұтады, бірақ әлемге, инновацияларға және техникалық өрлеуге әрдайым есігі ашық. Бәйтерек түп-тұқиянымыз бен ұмтылыс-ниетімізді өзара байланыстырса, күн кейіпті Тәңірінің шұғыласы Шығыс пен Батыс өркениеттерін географиялық жағынан да, тарихи жағынан да байланыстыратын еліміздің бірегей атмосферасын көрсетеді.