Ықылым заманнан бері парсылардың ұлы патшасын және оның ешкім жеңе алмаған әскерін шайқасқа шақырған тәкаппар Томирис патшайым туралы аңыз Ұлы Далада ауыздан ауызға тарап келді. Сол уақытқа дейін Ұлы Далада оған күші, даналығы және беделі жағынан тең келер қолбасшы да, саясаткер де болмаған. Оның жеңісі айбатты көшпелі тайпаларды және олардың намысқой да жауынгер патшайымын бүкіл әлемге мойындатып, әлем тарихының бет-бейнесін біржолата өзгертті.
